掠影

老实讲，无么感觉......即将到来o既一日同往常并无么唔同，除左会收到好多令人开心o既祝福

不过想翻过去呢一年，实在是发生左太多太多o既事情，回顾下，应该几有趣

系呢个18岁里面，我踏入大学，真真正正地为自己o既未来奋斗。踏入大学o既第一年，当我终于等来改变自己人生o既机遇时，果种迫不及待、以及由之而来o既迷茫、忧虑至今无法忘记。当然，宜家一切都逐渐平静，并唔是内心已失去信念。只不过是明白到猛烈o既激情虽然似流星般璀璨、却如此短暂。真正通往成功o既道路，是要一步步、踏过无数困难与枯寂行过来o既。

同样是系18岁呢年，开始攀岩。呢到要多谢老豆老母，虽然距地好担心我去玩呢样危险o既运动，不过知道我中意，也都无反对。记得当初参加山野协会o既迎新大会果时，来自香港o既训练部长用唔咸唔淡o既普通话讲：“训练不是苦......是相～当～苦！”真是只有参加过o既人先知道呢句话o既分量。一次又一次，我想放弃；一次又一次，我系队友o既鼓励同帮助下坚持落来。收获最大o既唔是身上o既muscle或者攀岩时TOP o既喜悦，而是坚信自己可以完成果D impossible missions o既意志......

也是呢年，稳到个身边重要o既人。每次陪系你身边（或者你陪我？呵呵）都会感到幸福，可能呢个就是其中一个两人系埋一起o既理由......无论是过去呢年、或者宜家、仲有将来，呢段感情都系我心内占住如此重要o既地位，我一定会好好珍惜。

仲有D琐琐碎碎o既小事，要讲的话一个礼拜都讲唔晒......总之，精彩o既一年，永远值得我回味。

接落来一年，无他，做好一切该做好o既，等待收获o既季节。